Jashn-E-Azadi

Queer activity it would be to post a poem on a blog – Strange thing it would be to post Urdu verses on an English blog. The blogger herself is, nonetheless, no personification of normality. Having given an unnecessary prologue, allow the words to print on this clipboard…

Pakistan lets freedom ring six and a half decades after its inception on August 14, 1947…

Pazaib ki jhankar nahi, sangeeno’n ka saaz.hun main

Kisi shayar ki ghazal hi sahi, aik khuwab ki zinda tabeer hun main

Baghawat ka aelan nahi, sarfaroshi ki sada hun main

Sitam zareefi ka qissa nahi, sar-e-aam zindano’n ki dastan hun main

Kya hi khuwab hun ke haqiqat bhi hun main

Kya hi subh hun ke ta hayat-e-kainat hun main

Janoon ki misl hi sahi, zoq-e-yaqeen ka aaina hun main

Zanjeerein kaat phenki thi’n, shikanjey mein ab bhi hun main

Pehle zakhmi hota tha, ab natwan ho gaya hun main

Lahu rista tha jism sey, ab mafluj hua jata hun main

Chand sargoshiyan hi sahi, ek aur bazu sey mehrum ho sakta hun main

Qyas na karna koi ke baras aur kitney likhwa laya hun main

Zor-e-bazu pe karna na bharosa ke jazbey ka koh-e-garan hun main

Aik dastan-e-ishq hi sahi, tareeki mein payam-e-subh hun main

Kamsen hai meri nasl-e-jawan, mayus nahi hun main

Ab ho gi qismat-e-khuwabida ki sehar, purumeed hun main

Uth’tey hain tufan, uthney bhi do, khamzada Daryao’n ki sarzameen hun main

Merey khun sey holi khelney walo, mohabbat ki saqafat hun main

Zarkhez hai Jo dharti meri, lahu sey sehrab hun main

Kar lo har kawish, Jo ho tum sey sazish, nishan-e-azm-e-aali shan hun main

Nahi hota yun main be-aabru, markaz-e-yaqeen hun main

Aik dua hi sahi, tarjuman-e-mazi, shan-e-haal, jaan-e-istaqbal hun main

Lamha bhar zeest nahi, sadiyon ki tareekh hun main

Zinda hun main, zinda hun main, dekh lo ke aaj bhi zinda hun main …

Jashn-E-Azadi Mubarik!